Olav Skeie Lid og kollegaene i dei lokale musikklaga kledde seg smartare, men kanskje ikkje finare enn dei tilreisande musikarane.

Trassa regnet og gjekk i parade

Sjøforsvarets Musikkorps levde opp til namnet og takla pissregnet med stil i paraden sundag.

Sigbjørn Linga
Bladstyrar
Publisert Sist oppdatert

Det regna godt då korpset, saman med musikarar frå fleire lokale korps i Kvam, gjekk i parade frå meieritomta, gjennom sentrum og ned på Kaien, før opptoget enda og spela eit siste nummer i hotellhagen ved Thon Hotel Sandven.

I bresjen for musikarane gjekk flotiljemeister René Wiik.

Sjå videoar frå opptoget her (video: Sigbjørn Linga og Ragnhild Økland Børven):

Langs ruta hadde det samla seg ein heil del skode- og lyttelystne, mange av dei utstyrte med regnklede, paraply eller båe delar.

Dei som vil lytta til det profesjonelle korpset og dei lokale amatørane med litt tørrare rammer, har sjansen på konserten i idrettshallen i kveldinga. Det er den nest siste av årets konsertar under Hardingtonar.

Sjå bilete frå paraden her:

På meieritomta før avgang.
Ingmar Haoko Tveitt og Dag Rune Mo dokumenterte.
Det viste seg tidleg kven som kunne kle seg for det lokale vêret.
Nokre såg ned på musikarane ved hotellet.
Flotiljemeister René Wiik.
Jostein Solberg med trombone.
Torill Høyland.
Marit Lid Marøy.
Ein del møtte fram for å få få hendinga med seg.
I hotellhagen spela alle eit fellesnummer.
hardingtonar kultur og underhaldning musikk norheimsund kultur
Laga med Labrador CMS