Synte kva dei hadde laga
Tradisjonen tru inviterte Øystese kvinne- og familielag born frå 2. til 6. klasse til arbeidsstove i haust.
Publisert
Sist oppdatert
Styremedlem Anne Sissel Froastad fortel at borna samla seg i Hillandsstova fire måndagskveldar i oktober og november. 26 born deltok i arbeidsstova. Borna laga mellom anna handlenett og gryteunderlag. Dei fekk også dekorera glaskrukker med decoupage-papir.
Etter kvart som arbeida vart ferdige, vart dei stilte ut i vindauga i bygget. Utstillinga vart teken ned måndag 4. desember.
