Stover tok plassen til Kabuso i år

Han tok opp temaet i ein e-post til festivalstyreleiar Geir Botnen 6. april. Botnen hadde ikkje svara Soldal då HF kontakta han førre veke, av di han såg på innspelet som ei rein ytring. Botnen forklarar til HF at ettersom Hardingtonar i år har mange stovekonsertar på programmet i år, fann ikkje festivalen plass til nokon konsert i Kabuso denne gongen.– Me har elles eit godt samarbeid med dei og kjem sikkert sterkt attende eit anna år, fortel Botnen.Soldal skriv i e-posten at både musikarar og andre kunstnarar likar seg godt i Kabuso. Han minner om at det er samla inn pengar til eit nytt flygel i kunsthuset. Når nettopp Geir Botnen er ein av landets beste pianistar, synest han det er rart at instrumentet ikkje vert nytta av årets festival.Soldal føreslår ein ny fast post på programmet frå og med 2018: ein Geir Botnen-konsert i Kabuso.Harald Kjosås, som sit i Ingebrigt Vik museum-styret og var sentral i arbeidet med å samla inn pengar til flygelet, opplyser at han synest Botnen svarar greitt for festivalstyret.

– Dei kjem sterkt attende. Det er alltid kjekt og ei spesiell oppleving å vera på konsert i Kabuso. Akustisk er det den beste arenaen i Kvam. Kvemmingane burde nytta han mykje meir enn tilfellet er i dag, skriv Kjosås i ein e-post til HF.

linga@hf.no