Skal peika ut arkivmedlem
Kven skal representera Ullensvang kommune i prosjektgruppa som arbeider med å ta vare på arkivet etter Johan Galtung?
Publisert
Den intense spaninga vert utløyst når kommunestyret tek stilling til spørsmålet 5. februar.
Kommunestyret har tidlegare ytt 90.000 kroner i stønad til prosjektet til Kraftmuseet, som no har bede kommunen om å peika ut ein representant i gruppa. Rådmannen overlèt til politikarane å avgjera kven som bør delta.
Annonse
Førespurnaden frå museet kom 17. september. Ifylgje denne vart arkivet etter Galtung, som døydde 17. februar i fjor, henta i Spania i juli. Forprosjektet er fullført og finansiert, medan hovudprosjektet etter planen skulle starta ved nyttår.