Dei som vil delta i siderkonkurransen, må levera produkta til Felleskjøpet-butikken i Øystese. Fredag 30. september var det kome inn ein pall full av sidrar.– Dette er veldig bra. Det er nesten over all forventing, seier festivalsjef Marit Buttingsrud.
Bård Valvatne
Siderfestivalen satsar på amatørane
– Denne gongen får berre amatørar delta i siderkonkurransen. Årsaka er at det har vorte for mange profesjonelle aktørar, og dei har andre stader å visa fram produkta sine. Eg tykkjer det er veldig kjekt å satsa på amatørane. Kanskje dukkar det opp nye talent som kan verta profesjonelle produsentar i framtida, seier Buttingsrud.
For å gjera konkurransen spanande, skal finaledømminga skje på scenen på festivalområdet.
– Dommarane vel ut nokre finalistar på førehand, og så vert sjølve finalen eit slags show på scenen, seier Buttingsrud.
