Peter Pan vitjar Holmatun
Ein ny variant av ei klassisk forteljing ventar dei som tek turen til Holmatun fredag 14. april.
Teater Vestland er på turné til samfunns- og grendahus frå 24. mars til 29. april. Med seg har teateret framsyninga «Peter Pan – under den magiske månen». 14. april står Holmatun for tur, opplyser teateret i ei pressemelding.
Den nye framsyninga er ei litt annleis Peter Pan-framsyning som eignar seg for folk frå 5 til 100 år. I denne versjonen er Wendy, Michael og John installerte på ein gamleheim.
– «Peter Pan – under den magiske månen» er ei historie om å tru på fear, om kjærleik og sakn og om å dra på eventyr saman i fantasien. Dette er ein komedie for heile familien og den perfekte sjansen til å samle generasjonane rundt eit stykke som dyrkar leiken, uavhengig av alder, fortel teatersjef Cecilie Grydeland Lundsholt.
Sjølv om ein del er nytt, får publikum framleis møta dei kjende karakterane frå universet til forfattar J.M. Berrie. Peter Pan bur framleis i Aldriland og nektar å verta vaksen, Tingeling er med, og det same er dei bortkomne gutane. Stykket inneheld sjørøvarar og havfruer, og Kaptein Krok er framleis den store skurken.
Stykket er skrive av dramatikar Mike Kenny og regissert av Philipp Stengele.
