Opnar døra for Fosse-debatt

Det melder stiftinga i ei pressemelding.

Sentrale personar skal halda innlegg. Mellom dei er Knut Markhus, som arbeider med forprosjektet for senteret. Også Nasjonalbiblioteket, Nynorsk Kultursentrum, Nasjonalbiblioteket, Vestland fylkeskommune, Fosse-Stiftinga og Hardanger og Voss museum er representerte på talarlista.

Dei frammøtte får høve til å koma med innspel og spørja, før det vert gruppearbeid, opplyser styreleiar Åse Ljones i arrangørstiftinga.

HF har spurt Jon Fosse om han og familien meiner noko om kvar Fosse-senteret bør plasserast. Han opplyser i ein e-post til HF at han ikkje kjem til å blanda seg inn i det som skjer kring eigen forfattarskap i Strandebarm – korkje no eller seinare.

Markhus arbeider med forprosjektet for eit senter som skal heidra forfattar og nobelprisvinnar Jon Fosse frå Strandebarm. Dei siste månadene har han hatt ei rekkje prosessmøte der Kvam herad, fylkeskommunen og stiftinga har delteke. Møtet i Strandebarm er del av ei fysisk samling for partane.

Referata frå prosessmøta er tilgjengelege hjå Kvam herad, men dei røper berre kva tema som er drøfta, ikkje kva som faktisk er sagt eller bestemt. Mellom anna er «nivået av offentlegheit i prosjektarbeidet drøfta». Her går det fram at korrespondansen mellom prosjektleiaren, Kvam herad og fylkeskommunen skal vera offentleg, medan korrespondanse mellom prosjektleiar og private aktørar ikkje vil vera offentleg tilgjengelege.