Nær 26.000 vitja biblioteka
Det vart både fleire bibliotekbesøk og utlån hjå biblioteka i Kvam i 2023.
Biblioteka hadde 37.312 fysiske utlån, opplyser biblioteksjef Ragna Helene Soldal til HF.
Det er 6.130 fleire enn i 2022. Talet inkluderer 21.959 utlån frå hovudbiblioteket i Norheimsund, 10.530 utlån frå Strandebarm filial og 4.823 utlån frå Ålvik filial. Auken var på 19,7 prosent. Talet frå Strandebarm inkluderer også skulebøker.
– Det er gledeleg at alle avdelingane har hatt ein auke i utlånet, kommenterer Soldal.
Dei digitale utlåna frå appen Bookbites er enno ikkje klare.
Biblioteka fekk 23.306 besøk i 2023. Det er ein oppgang på 951 gjester eller 4,3 prosent frå 2022.
I 2023 hadde biblioteka 126 arrangement, nokre av dei i samarbeid med andre lag og organisasjonar. 16 arrangement var for born, 78 var for vaksne og 32 var digitale. Samla besøkstal på arrangementa var 2.330 personar.
Om ein skulle rekna med reserverte og utlånte titlar etter at Jon Fosse fekk nobelprisen i litteratur, ville «Septologien», «Andvake» og «Olavs draumar» vera inne på topp 5, opplyser Soldal.
Heidi Marie Vestrheim er ein annan kvemming som nådde opp på topplista.
