Mannskor markerer jula
Mannskoret Laudamus held konsert i Norheimsund kyrkje fredag 8. desember.
Publisert
Sist oppdatert
Det går fram av eit presseskriv frå koret. Konserten har tittelen «Strålande Jul».
Toradarspelar Ingrid Sørheim er gjest i konserten, og akkompagnatør på piano er kantor Sevinj Asgarova Øvrehus.
Annonse
Sørheim har ein bachelor i utøvande tradisjonsmusikk frå Ole Bull Akademiet. Ho har fordjupa seg i tradisjonen frå Kvam og den keltiske toradarmusikken. Sørheim er glad i lydarslåttar, springarar og engelske jigs, og har spesialisert seg på å overføra feleslåttar til durspelet.
Laudamus har 18 medlemer frå Kvam og Ullensvang. Koret vil syngja ein god del tradisjonelle julesongar, men også «bevega seg litt ut på glattisen med litt nytt stoff», som det heiter i pressemeldinga.
Eirin Beate Åserud-Løvlid dirigerer koret.
