«Lothepus» trekte mange til kaien

Madsen sit att med ei god kjensle etter Hardanger trebåtfestival, som vart arrangert i helga. Sjå biletserie frå festivalen her.Madsen melder om kjempestemning på kaien laurdag, med smilande og nøgde publikummarar og båtfolk. Det er ingen tvil om at Leif Einar «Lothepus» Lothe, som opna festivalen, var populær, sjølv om han ikkje var så lenge på scena, seier Madsen.

Ingen publikumspris

Om lag førti båtar i ulike klassar var utstilte. Som vanleg vart det delt ut prisar i ulike kategoriar.- Det er kjekt at dei som får pris, set pris på det. Dei legg ned mykje pengar og arbeid i båtane sine, og eg trur det er stas å få visa dei fram, seier han.Det vart ingen publikumspris i år. Arrangørane fekk nemleg ikkje delt ut røystesetlane.

Kanskje 3.500 besøkande

Festivalen skal hovudsakleg vera ein fagleg og sosial møteplass for trebåtfolket. Alt anna kjem i tillegg for å skapa merksemd, god stemning og for å tilby noko meir til publikum.Laurdag vart det selt om lag to tusen billettar. Sundag var det gratis inngang. Medrekna båtfolk, frivillige og born under 12 år, som alle kom inn gratis, gissar Madsen at om lag 3.500 har vore innom festivalen.- Sundag var det romsleg og stille, og det kunne ha vore fleire. Men me er nøgde. Me håpar at festivalen gir liv i bygda, og at også butikkane hadde ein god dag, seier han.Han understrekar at målet med festivalen ikkje er å verta størst, men å ha det koseleg og kjekt, med fagleg innhald som gjer at båtfolk synest det er verdt å komma hit.Om lag åtti frivillige var i sving. Madsen takkar og bukkar for alle som stilte opp.- Det er vorte mange festivalar etter kvart. Ein er avhengig av at nokon er med viss ein skal skapa større ting.Han takkar også sponsorane; lokale verksemder som er med år etter år.- Det er storarta å ha så sterke lokale krefter og engasjement. På ein liten stad har me ein heilt annan nærleik til ulike folk og miljø, seier han.