Ordførar Torgeir Næss fylte strandhagen med såpebobler. Med seg i båten hadde han Arngunn Timenes Bell (bak), festivalsjef Ida Sørheim (t.v.) og nestleiar Johanna Valland.

Larmen strøymde over bygda

Fyrste konsertkveld på Bygdalarm 2022 er historie. Publikummarane fekk oppleva både såpebobler, røykmaskiner, lysshow, pyroeffektar og stagediving.

Journalist
Publisert Sist oppdatert

Ordførar Torgeir Næss i Kvam herad opna festen då han i dress vart køyrd inn på plassen i ein trebåt medan han laga såpebobler tidleg på kvelden. Næss hadde store forventingar til kvelden.

– Eg elskar Bygdalarm – det er den beste festivalen! sa han frå scena, før artisten SKAAR tok over.

Vidare følgde brenn., Bigbang og Lemaitre. Sistnemnde var nok høgdepunktet for mange, sjølv om det kanskje var langt mellom dei som var sikre på korleis ein uttalar namnet. Kvelden baud på dansing, hopping, skriking, latter og smil. Vêret skifta frå sol til regn, medan stemninga vart betre og betre.

Ida Sørheim (t.v.), Johanna Valland og Arngunn Timenes Bell stilte i bunad trass det varme vêret.
– Eg har gledd meg skikkeleg til å vera her! sa SKAAR, som var fyrste artist ut.
Festivallogoen er å finna overalt.
Syskenparet Lina Kolltveit og Tommy Kolltveit har rigga seg til på ein høyball. Lina gler seg mest til å høyra Bigbang, medan Tommy ventar på Odd Nordstoga laurdag kveld.
Stian Østrem (t.v.) og Daniel Barsnes har båe vore på Bygdalarm ein gong før. Den gode opplevinga gav dei grunn til å koma tilbake i år.
Malena Erikson Seim (t.v.) dekorerer andletet til Marita Midthus.
Sommarkleda er på, og jentene er klare for festival.
Det fløymer av bøttehattar i publikumshavet. Her ser me Eili Sandven (t.v.) og Ingvild Lilletveit Kvåle.
Astrid Sætveit Torsvik (t.v.) har hekla sin eigen bøttehatt i Bygdalarm-stil. Saman med henne er Elisabeth Aasprang.
Bandet brenn. i aksjon på festivalscena.
Vokalisten i brenn., Edvard Smith Save.
Siri Flotve har plassert seg i fyrste rad.
Martha Bruland Hellestveit (t.v.) og Marita Sandven var mellom dei mange frivillige på plassen.
Enkelte kler seg i meir tropiske antrekk enn andre.
Vokalisten i Bigbang, Øystein Greni (t.v.), tok publikum med storm.
Det tok heilt av då Øystein Greni scenestupte ut i publikum og heldt fram med gitarsoloen.
Gruppa Lemaitre var siste artist fredag kveld.
Markus Neby i Lemaitre, også kjend frå tv-skjermen, girar opp publikum.
Her ser me vokalisten i Lemaitre, Ulrik Denizou Lund.
Artisten Alva Ravn song saman med Lemaitre. Ho kom som ei overrasking, både for arrangørane og publikum.
Lemaitre avslutta konsertkvelden med eit smell.
festivalar kultur og underhaldning kultur biletseriar kultur
Laga med Labrador CMS