Sportsfotograf Vegard Wivestad Grøtt har vunne fleire prisar for bilete han har teke. No er han nominert til ny pris. Her er han på eit oppdrag på fotballkamp i Skien.

Kvemming nominert til fotopris

Sportsfotograf Vegard Wivestad Grøtt er éin av fotografane som kan vinna pris for årets beste bilete.

Mari Ulvund
Journalist
Publisert Sist oppdatert

Ifylgje journalisten.no er Grøtt ein av 24 fotografar som kjempar om prisar i ulike kategoriar.

– Det er både stas og hyggjeleg, skriv Grøtt på Facebook.

Grøtt har klatra til topps i tidlegare kåringar. I 2020 vann han i kategorien sport nyhende med et bilete av ein skuffa Jakob Ingebrigtsen. Året etter gjentok han suksessen etter å ha fotografert Karsten Warholm, som sette ny verdsrekord i 300 meter hekk framføre tomme tribunar.

Prisane vert delte ut av Pressefotografenes klubb. Totalt har 175 fotografar sendt inn 2.700 bilete og 35 videoar i konkurransen.

Sjølve prisutdelinga finn stad i Vika kino i Oslo 15. mars.

kultur og underhaldning kultur massemedium
Laga med Labrador CMS