Eva Ellingsen Grande var mellom dei som stod på scena i Kunsthuset Kabuso.

Kakaokonsert og kunstutstilling

Kvam kulturskule arrangerte årets siste kakaokonsert i Kabuso i Øystese laurdag.

Ragnhild Økland Børven
Publisert Sist oppdatert

Nær tjue kulturskuleelevar framførte til saman ti ulike innslag på scena. Elevane song og spela stort sett julesongar, men også Alan Walker og Johann Sebastian Bach stod på programmet.

I tillegg til konserten kunne ein både før og etter oppleva utstillinga Spor i foajeen. Kulturskulen skriv på facebooksida si at elevane på visuelle kunstfag i kulturskulen har eksperimentert med å laga spor på papir i haust; frottage, monotrykk, linotrykk, og spor i leire. Elevane har hatt fokus på overflater. Nokre er ru, andre glatte eller med mønster. Kva skjer når ein lagar avtrykk av desse overflatene?

Utstillinga inneheld også måleri og keramikk, og står fram til sundag 18. desember.

Sjå bilete frå konserten og utstillinga her:

Fyrst ut på scena var Nora Augestad. Ho song «Vitae Lux», som er komponert av Frode Alnæs, og vart akkompagnert av Ben Milenković på gitar.
Quoc Hoy Havstein Tran spela «Preludium i C-dur»av Johann Sebastian Bach.
Øyvind Hagen framførte songen «Darkside» av Alan Walker.
«Kakaovals» og «Det lyser i stille grender» vart spela av (f.v.) Guro Bell Berge, Hanne Berge, Liv Rogdaberg, Ben Milenković, Helena Mo Seljebotn og Arngunn Timenes Bell.
Lisa Grane Hisdal og Emilie Fosso Olsen song «Let it snow».
Hedda Mæland, Ylva Huse, Kristi Lid Mæland og Emilie Fosso Olsen song «Tenn lys».
Lisa Grane Hisdal og Melinda Isabella Zheng song «Himmel på jord».
Eva Ellingsen Grande byrja å spela tverrfløyte for berre fire månader sidan. Ho framførte melodien til «Jingle Bells».
Kulturskulen sitt storband – som starta for kring fire månader sidan – spela songen «The Chicken» og «God Rest Ye Merry Gentlemen». Bandet består av Daniel Norheim på tenorsaksofon, Tormod Kristian McCorkle og Paul Fawcus på altsaksofon, Åsmund Solsvik på bass, Vegard Sangolt på trommer, Fredrik Aksnes på gitar og Vidar Sangolt på piano.
Vegard Sangolt spelar slagverk.
Nora Augestad, som opna konserten, avslutta med «Sonjas sang til julestjernen».
Frå kunstutstillinga «Spor».
Frå kunstutstillinga «Spor».
Frå kunstutstillinga «Spor».
Frå kunstutstillinga «Spor».
Frå kunstutstillinga «Spor».
Frå kunstutstillinga «Spor».
Frå kunstutstillinga «Spor».
biletseriar kultur musikk øystese kvam kulturskule kunsthuset kabuso kultur og underhaldning kultur scenekunst biletkunst underhaldning
Laga med Labrador CMS