Jubilerande sirkusartist opptrer i Norheimsund
– Cirkus Agora kjem til Norheimsund idrettsplass onsdag 7. september for å spreia sirkusglede.
Publisert
Det opplyser sirkuset i ei pressemelding. Mellom artistane som skal opptre, er sirkusdirektøren sjølv – Jan Ketil Smørdal – med sjonglering, fotsjongløren Adriana, klovnane Di Lello, Agora-ponniane, luftartisten Catalin frå Romania, Peter Taylors hunderevy, handstandakrobaten Badea, washingtontrapesartisten Antonin Navrátil og luftakrobatane Ariel, Helene og Ida.
Smørdal feirar i år 40 år som artist. Hjarta til sirkusdirektøren vert varmt når han får besøkja byar og bygder i heile Noreg, skriv sirkuset.
Annonse
Saman med artistane håpar Smørdal å bringa saman menneske med underhaldning – og kanskje ei overrasking – for store og små.
