I haust får publikum i Odda oppleva Gunslingers. Her spelar bandet i Øystese 1. april i år.
Ragnhild Økland Børven
Inviterer til Odda-festival
Bak festivalen står Leif-Einar Lothe, kjent som Lothepus, og festival- og eventarrangøren Sabla Moro AS, skriv arrangørane i ei pressemelding.
Festivalen går av stabelen 11. og 12. august og åstaden vert det såkalla «skalltaket» i Odda sentrum. «Skalltaket» er eit gamalt smelteverkslager av betong. Det er mellom 15 og 20 meter høgt under taket, noko som gjer det mogleg å skapa ein heilt spesiell atmosfære.
Festivalprogrammet er ikkje klart, men det er klart at i tillegg til Gunslingers skal både Rotlaus, Halva Priset, Sofie Svensson, Carina Dahl, Gardsbruk og Rød Mix spela.
