Held fram med kviss-suksess
Det vert fleire Kahootar i regi av Kvam ungdomsråd.
Kvam ungdomsråd har arrangert nettkvissar på tenesta Kahoot dei to siste laurdagane, for å gi eit tilbod til ungdommen i koronatida. Det vil rådet halda fram med i i alle fall to veker til.
– Det var veldig kjekt å laga, og me har fått mange gode tilbakemeldingar om at det har vore noko å sjå fram til når ein har vore heime i desse keisame tidene, sa Eusebiu Amanalachioai i rådsmøtet tysdag.
Artikkelen held fram under annonsen.
Rådsleiar Håvard Botnen påpeikte at det var fleire deltakarar enn det oppmøtet i plattforma Google Meet tilsa. Det vitnar om at fleire har samla seg i heimane, og at det har vorte ein familieaktivitet, sa han.
Det var fleire deltakarar første gongen enn den andre gongen. Rådet vonar større engasjement og meir informasjon i sosiale medium vil gjera ungdommane meir merksame på arrangementet.
