Heidra felespelar frå solriket

Japanaren Rio Ota, med kunstnarnamnet Rio Yamase, vart tildelt den kongelege norske fortenesteordenen 31. januar. Utnemninga får ho for hardingfelespel og entusiasme for norsk kultur. Ambassadør Inga Nyhamar stod for tildelinga på den norske ambassaden i Tokyo, opplyser Hardangerrådet i ei pressemelding.

Yamase har formidla norsk musikk, kultur og komponistar til Japan. Ho har mellom anna etablert eit hardingfeleinstitutt med fleire enn 40 elevar, spela hardingfele i den verdskjende teiknefilmen Aoki, spela Edvard Grieg-musikk som solist saman med Japan Philharmonic Orchestra og delteke på nasjonalt fjernsyn i Japan, ifylgje konsulent i Hardangerrådet, Trude Lægreid Rinaldo. Yamase opptrer som regel i sin eigen hardangerbunad.