Hardingtonar vert avlyst

Det opplyser styret i ei pressemelding. Musikkverda og «festivalnoreg» er i endring, skriv styret. På grunn av pandemien og vanskar med å halda hjula i gang i kulturbransjen, har mange måtta tenkja annleis. Artistar og arrangørar må tenkja nytt.

– Me merkar at prisane stig på varer og tenester. Tidene er økonomisk krevjande. Etter 30 år er det tid for å endra seg. Me ynskjer å skapa ein levedyktig festival som Kvam og Hardanger kan vera stolte av i 30 nye år. Hardingtonar skal levera kvalitet til eit breitt publikum. Me ser at Hardingtonar i 2023 vert vanskeleg å få i hamn på ein god måte. I staden for å arrangere festival på sparebluss, arbeider me no med entusiasme og energi fram mot Hardingtonar 2024, står det i pressemeldinga.