Hardingtonar ryk i år òg

Nyleg vart det kjent at Hardanger trebåtfestival er avlyst. Tysdag kom meldinga om at det same gjeld «systerfestivalen» Hardingtonar, som skulle vore avvikla den same helga — 11. — 13. juni.

— Styret og programgruppa for Hardingtonar har lenge sett fram til å presentera eit flott festivalprogram til dykk. På styremøtet i førre veke kom me likevel til den avgjerda at me også dette året må avlysa festivalen, skriv festivalen på heimesida.

Årsaka er at det er for usikkert om ein kan skipa til konsertar Kvam så tidleg som i juni.

— No må me berre kryssa fingrar og gle oss til Hardingtonar 2022! Med avlyste festivalar i både 2020 og 2021 kan me avsløra at me har eit eventyrleg festivalprogram så godt som klart for neste år! opplyser Hardingtonar.