Ingebjørg Bratland og bandet fekk ikkje høve til å hengja opp sceneteppe på veggen bak scena, og valde å leggja det på scena i staden. Moderne kunst, kalla ho det.

Fullt hus

Det var ikkje eit einaste ledig sete i salen då Kunsthuset Kabuso opna dørene til konsert torsdag kveld.

Ragnhild Økland Børven
Publisert

150 tilskodarar tok turen for å høyra artist Ingebjørg Bratland fylla salen i kunsthuset med tonar og song. Passande nok starta kvelden med songen «I huset med deg».

Ifylgje arrangøren vart billettane selde på under to døger.

Bratland fortalde at ho aldri hadde hatt konsert i eit kunsthus før, og at ho tykte det var skikkeleg stas å få koma til Øystese. Eller, som bookingagenten hennar kalla staden, Øystèse.

– Då måtte eg retta på henne og seia at det der, det vert litt slik «byfis», sa Bratland frå scena.

Med seg hadde ho Sjur Husom Vonen på gitar, Erlend Viken på fele, Eiolf Ødegård på tangentar og Øystein Frantzvåg på bass.

øystese kunsthuset kabuso kultur og underhaldning kultur musikk
Laga med Labrador CMS