Fosse-film treng pengar
Fosse-filmen «Bad Moon Rising», som jakta skodespelarar i Kvam i sommar, måtte utsetja produksjonsstarten.
Publisert
Sist oppdatert
Planen var å starta innspelinga i haust, men det finst ikkje nok pengar. Det skriv Bergens Tidende.
Mediefondet Zefyr i Bergen har løyvt tre millionar kroner, men Norsk filminstitutt (NFI) har sagt nei to gongar. Produsent Stein Kvae er skuffa.
Annonse
– Eg har eigentleg ikkje ord. NFI har sett seg i ein posisjon der dei er nærast einerådande over kva filmar som kjem på kino, seier han til bergensavisa.
No er ein søknad send til Vestnorsk Filmsenter. Filmsenteret har for fyrste gong opna for å gje produksjonsstøtte til spelefilmar. Tre millionar står til disposisjon, og vedtak vert gjort 28. november, opplyser dagleg leiar Stine Tveten til BT.
