Forskar på tradisjonshandverk
Korleis kan ein skapa næring av lokale naturmateriale, handverkstradisjonar og kulturarv i Kvam?
Det er temaet når Hardanger fartøyvernsenter og Kvam herad inviterer til ope møte på Thon Hotel Sandven 23. februar.
Møtet er ein del av forskingsprosjektet Dreis, som er finansiert av Regionale Forskingsfond Vestland. Partnarar i prosjektet er Vestlandsforsking, Hardanger og Voss museum, fartøyvernsenteret, Kvam herad og Bioregion Institute.
Ein er spesielt ute etter å få med dei som har kunnskap om bruk av naturmateriale, husflid og tradisjonshandverk. Det er eit mål for prosjektet å gje grunnlag for meir berekraftig vareproduksjon og utvikla nye reiselivstilbod i Kvam.
I møtet vert det gruppediskusjonar der deltakarane bidreg med røynsler og kunnskap i samtale med forskarar og resten av prosjektgruppa.
– I eit berekraftig samfunn må me produsera fleire materiale, produkt og opplevingar baserte på god utnytting av våre naturgjevne og lokale kulturressursar, heiter det i innbydinga til møtet.
