Harding Puls kan få 50.000 kroner i stønad frå Ullensvang kommune i 30-årsjubileumsåret 2024. I alle høve er det tilrådinga frå rådmannen til dei folkevalde. Søknaden lydde på 75.000 kroner. Pengane skal særleg gå til eit digitalt formidlingsprosjekt.
Hovudutval for kultur og levekår avgjer saka 23. januar. Tilskotet til kunstnarorganisasjonen er eit av mange som skal fordelast til større kulturarrangement og festivalar. 11 har søkt om i alt 1,375 millionar kroner. Ramma er 300.000 kroner, men ved å henta pengar frå kulturfondet har rådmannen strekt seg til å føreslå å dela ut 390.000 kroner.
