Flytting av kino: – Ein dag me ser fram til
Bygginga av den nye vidaregåande skulen i Norheimsund er i full sving. Planen er at han skal stå ferdig i 2025. Tanken er at skulen skal brukast til meir enn berre læring.
På lista over nye kommunale funksjonar som skal inn, er mellom anna kinoen i Norheimsund. Me tok ein prat med Jon Nedkvitne, leiar for samfunn, kultur og næring i Kvam herad, for å oppklara kinoens framtid.
– Poenget med å ha kinoen i den vidaregåande skulen, saman med andre kommunale funksjonar, er at me vil kunne bruka skulen og bygget ikkje berre i, men også utanom skuletida, seier Nedkvitne.
Han er optimistisk med tanke på prosjektet, og trur den nye plasseringa for kinoen vil utgjera ein stor skilnad for lokalbefolkninga.
Han håpar at flyttinga vil føra til at kinoen kan bli meir tilgjengeleg og populær, og gjera det lettare å berre stikka innom.
Flyttinga av kinoen til det nye bygget vil nok gå raskt for seg, meiner Nedkvitne. Det skal vera heit nytt utstyr i den nye kinoen, så kinotilbodet vil mest truleg vera tilgjengeleg fram til flytting, noko som vil føra til ein smidig overgang.
Journalistane er mediefagselevar ved Framnes Kristne Vidaregåande Skule. Artikkelen er skrive som ein del av undervisinga. Red.
