Forfattar Truls Horvei finn ro og inspirasjon i hytta på Kvamskogen.

Fluktstol og kunstmåling

Forfattar Truls Horvei og musikar Eli Gauden slår sine kulturelle pjaltar saman denne veka.

Sigbjørn Linga
Bladstyrar
Publisert Sist oppdatert

Nærare bestemt skjer det på biblioteket i Norheimsund 25. april.

Forfattaren frå Bergen, med lang fartstid som journalist i Haugesunds Avis, bur på Stord, men har hytte på Kvamskogen og synest alltid det er kjekt å koma til Norheimsund. Det opplyser han i ei pressemelding.

Med seg til Kvam har han den nyaste diktboka, «Framoverlent i fluktstol», pluss fleire resultat av den nyaste hobbyen: måling. På biblioteket vil han fortelja kva han får ut av aktiviteten, og korleis lyrikken og biletkunsten heng saman.

Eli Gauden supplerer kulturkvelden med gitarmusikk og visesong. Arrangør er Kvam bibliotek.

norheimsund musikk litteratur kvam herad kultur og underhaldning kultur biletkunst bibliotek og museum
Laga med Labrador CMS