Fire går saman om opplevingar

Betalar ein full pris hjå ein av dei, får ein med eit sommarpass som gjev halv pris på dei andre besøksmåla i samarbeidet, ifølgje ei pressemelding frå dei fire aktørane.

Alle arenaene har vore stengde sidan midten av mars på grunn av koronapandemien. No er nokre tilbod i ferd med å opna. Sommarsesongen startar for fullt i midten av juni, med eit tilnærma normalt opplegg.

Dei fire institusjonane har til saman ti arenaer i Hardanger, Voss og Kvinnherad. Både lokalfolk og tilreisande kan få fine opplevingar av kunst, fartøyvern, folkemuseum, mellomaldertun, poesi, bre- og klimatematikk, industrihistorie og ein kraftkatedral.

– Me trur at sommarpasset kan få fleire til å besøkja fleire av oss, og det vil dei garantert ha glede av, seier Knut Markhus, direktør i Kraftmuseet.

Normalt er det mykje utanlandske turistar som gjestar kulturinstitusjonane om sommaren. I år handlar det om å tiltrekkja seg norske feriefolk, og få dei til å bli ei stund i området.

– Det er ikkje vanskeleg å fylla ei veke med herlege opplevingar i vårt område. Sommarpasset er òg eit fint tilbod for lokalfolk. Mange har nok til gode å oppleva fleire av stadene i buketten, seier Åsmund Kristiansen, konstituert direktør i Hardanger og Voss museum.

Ved alle dei fire institusjonane følgjer ein smittevernreglane, og det skal vera trygt å ferdast hjå dei.