Direktør i Hardanger og Voss museum, Åsmund Kristiansen, kan notera seg ein god slump pengar frå fylkeskommunen. Her er han på Hardanger fartøyvernsenter i Norheimsund.

Fekk ein kvart million i straumstønad

Hardanger og Voss Museum fekk nyleg tildelt 276.400 kroner frå Vestland fylkeskommune.

Håkon Norheim
Journalist
Publisert Sist oppdatert

Hovudutval for kultur, idrett og inkludering fordelte 4. oktober til saman over 5,4 millionar kroner til museum og kulturbygg i Vestland.

4 av millionane var ei tilleggsløyving for å hjelpa museum og kulturbygg mot auka energikostnader.

Mange kulturinstitusjonar slit med store straumutgifter. Meirkostnadane for museum og kulturinstitusjonar som får driftsstøtte frå fylkeskommunen, var på 8 millionar kroner for perioden frå desember 2021 til mars 2022, samanlikna med året før, opplyser fylket.

Det var fylkestinget som løyvde pengane til føremålet under behandlinga av årsrekneskapen for 2021 tidlegare i år. Hovudutvalet fordelte pengane til 18 museum og kulturinstitusjonar.

økonomisk politikk økonomi vestland fylkeskommune politikk kultur og underhaldning kultur hardanger og voss museum bibliotek og museum
Laga med Labrador CMS