«Forteljinga på skilta handlar om «fjordahunden» Olav, som vitjar «skogahunden» Bård. Dei møter to fine byhundedamer av finaste slag. Statssekretær Even A. Hagen i Kulturdepartementet skal opna stien.

Feirar Fosse i Oslo

Hardinglaget og Hordalaget planlegg fering av 65-årsdagen til Jon Fosse i Oslo sundag.

Sigbjørn Linga
Bladstyrar
Publisert Sist oppdatert

Dagen vert markert med opninga av ein ny litteratursti frå Solemskogen til Hordahytta i Lillomarka. Stien, inspirert av «poestien» til Haukåsfjellet i Strandebarm, byr på utdrag av forteljinga «Du og du» frå «Hundemanuskripta». Utdraga står på skilt langs stien. Skilta, forma som hundar i staden for sauer, har born på Møllergata skule gjeve form til.

Det opplyser prosjektleiar og strandberming i osloeksil, Johannes Kolltveit, i ei pressemelding. Han fortel at tanken er at skilta skal overførast til Fosse-Stiftinga for å få på plass ei tilsvarande hundeløype i Strandebarm.

I Hordahytta vert det eit kulturarrangement. Ungdomar frå Den mangfaldige scenen og skodespelar Gjertrud Jynge skal framføra Fosse-tekstar til musikk av Andreas Ljone på hardingfele.

strandebarm oslo musikk litteratur kultur og underhaldning kultur jon fosse fosse-stiftinga
Laga med Labrador CMS