Samnanger bibliotek har ein kreativ, samarbeidsvillig, initiativrik og fagleg dyktig biblioteksjef i Merethe Gauden, heiter det i nominasjonen til Årets bibliotek 2023. På biletet les Gauden høgt for born i Norheimsund barnehage.

Får ros for bibliotek

Folkebiblioteket i Samnanger er ein av kandidatar i kåringa av årets bibliotek 2023.

Håkon Norheim
Journalist
Publisert

Det skriv Vestland fylkeskommune på heimesida.

Kvemming Merethe Gauden er biblioteksjef i kommunen.

Noregs gjævaste bibliotekpris går til bibliotek som har teke i bruk nye idear og som har jobba utradisjonelt, offensivt og gjerne i samarbeid med andre.

Norsk Bibliotekforening står bak den årlege kåringa, og prisvinnaren vert offentleggjord på eit arrangement på Deichman Grünerløkka i Oslo 11. januar.

Biblioteket i Samnanger har tilbod som Karalag, Sy, strikk og skravl, småbornstreff, språktreff og lågterskelhjelp til digitale tenester. Det skriv bibliotekforeininga på heimesida. Det vert arrangert utetrening og språktreff, og ungdomen har fått spelerom, biljard og sitjegrupper.

samnanger kultur og underhaldning kultur bibliotek og museum litteratur
Laga med Labrador CMS