Fann ukjent Fosse-verk
Sjølv ikkje dei fremste Fosse-ekspertane visste om den gløymde julenovella til nobelprisvinnaren.
Då NRK spurde fem av dei som kjenner forfattarskapen til Jon Fosse best om kva dei synest om novella "Sauahols-Bård'en", måtte alle riste uvitande på hovudet.
Novella er nemleg frå 1986 og er henta frå medlemsbaldet til Naturvernforbundet i Hordaland. På den tida sat Anders Goksøyr i redaksjonen og han hadde nett vore på teorikurs før førarprøva saman med Fosse.
Artikkelen held fram under annonsen.
–Vi heldt på med julenummeret, og vi kom på at eg kunne spørje om han ville skrive ei lita julehistorie. Og det var Jon med på. Så skreiv han "Sauahols-Bård'en" som vi fekk lov å trykke i bladet, seier Goksøyr til kanalen.
Motivet i forteljinga er eit klassisk juleforteljingmotiv kan litteraturkritikar Knut Hoem opplyse om. Eg-personen får med seg ein plastpose med julebakst og julehefte og ei gryte med pinnekjøtt og kålrotstappe som han blir bede om å ta med til einstøingen i bygda.
–Det er jo eit veldig kjent motiv, dette her med at ein blir send ut som ein slags bod med noko til nokon som ikkje har det så greitt i bygda. Så akkurat motivet er jo veldig innanfor julehistorie-sjangeren, seier litteraturkritikaren.
(©NPK)
