Tuva Øystese (f.v.), Miriam Hatlem og Thea Årrestad Fykse har starta elevbedrifta Frukt & Godt. Laurdag stod dei på marknadsområdet i Øystse. Prosessen bak epleprodukta tek tid. — Epla må stå i omnen i om lag ti timar, fortel Fykse.
Mari Ulvund
Elevbedrift på siderfestival: — Me stod og pakka i seks timar
Med eit breitt utval av etande og leskande produkt hadde både store og små mykje å velja mellom på marknaden i Øystese.
I ei av buene stod tre smilande jenter. Thea Årrestad Fykse, Miriam Hatlem og Tuva Øystese er alle 9.-klassingar på Kvam ungdomsskule. Jentene har valfaget elevbedrift på timeplanen, og fortel at det var grunnen til at dei var på marknaden.
Valfaget tek utgangspunkt i at elevane skal starta og driva ei lita bedrift over ein periode. Dei tre veninnene bestemte seg for kva dei ville gjera allereie fyrste timen, fortalde Fykse. Bedrifta Frukt & Godt vart oppretta, og særskilt eple skulle nyttast. Fykse har ein nabo som driv med eple, så dei fekk dei billeg. Jentene har henta inspirasjon og fått kunnig hjelp.
