Eit siste farvel

Den fyrste framsyninga laurdag vart spela for halvfull sal. Lyset vart sløkt og russen entra scena med eigenkomponert song. 

Publikum fekk innblikk i kvardagen til ein fotballtrenar, ein typisk norsktime og kongen sin tale. Den raude revytråden var tidsreisa til russen frå 1965 til i dag. Turen starta med russestokkar og gjekk via palmer på hovudet i 1985 til russ med mistenkjeleg like russebukser i 2005. Kevin Olai Svendsen Brekke og Marina Litangen leia turen frå ryggen til kjepphesten «Kvammagampen». 

Eit eldre ektepar vart innhenta av teknologien. Å logga seg inn i nettbanken kan vera ei utfordring.