Duo inviterer til mjuke tonar

Det opplyser Hardanger og Voss museum i eit presseskriv.

Folkemusikkduoen, som består av Rannveig Djønne og Annlaug Børsheim, vil framføra låtar frå deira nye album, «Skyer av perlemor». Repertoaret deira er i hovudsak eigen musikk og tekstar tufta på tradisjonsmusikk frå Hardanger. Tekstane er skrivne av Ruth Lillegraven.

Attåt konserten vert det servert mat, nærare bestemt fiskesuppe.

Av skrivet går det fram at fartøyvernsenteret har som mål å vera eit levande og engasjerande museum og kompetansesenter heile året, og at fleire tilskipingar er i kjømda. På planen står mellom anna kurs i segling, smiing og trearbeid dei ulike verkstadene og ulike arrangement for familiar.

Vona er at både vaksne og born skal få oppleva eit variert spenn i aktivitetar og kunnskap, skriv arrangøren.

Arrangementet er eit samarbeid mellom Hardanger fartøyvernsenter og Felemakarscenen.