Dr. Alban til Kvam
Den nigeriansk-svenske eurodance-artisten Dr. Alban kjem til Øystese laurdag 13. mai.
Publisert
Sist oppdatert
Då vert det 90-talsfest i Øystese idrettshall, arrangert av Holmatun AS, opplyser verksemda i ei pressemelding.
Den prislønte popsongaren har selt over 16 millionar album på verdsbasis. Med hitane «It’s My Life», «No Coke» og «Sing Hallelujah» sette han sitt preg på eurodance og var ei av dei mest kjende stemmene i sjangeren.
Annonse
På 90-talsfesten skal Dr. Alban opptre saman med det norske bandet Infinity.
– Saman med erfarne dj-ar som spelar før, etter og mellom artistane, vil dei gje publikum ein uforgløymeleg kveld, lovar vertskap i Holmatun, Eirik Kvarv.
