– Det var også kvinnenes krig

Det skriv Helge Karlsøen i Kvam Senioruniversitet i ei pressemelding.

Krigslitteraturen er stort sett skriven av menn og om menn, heiter det i meldinga.

To av fadrane til Mohn var aktive motstandsfolk under krigen. Dette vart ho nyfiken på då ho fekk ei oppmoding om å skriva om motstandskvinnene.

Inspirasjonen til føredraget har ho henta frå bøker om krigsinnsatsen til kvinnene. Sjølv om det kjem fram ein del informasjon i bøkene, er innsatsen sterkt undervurdert, påpeikar Mohn.

Oppfatninga har lenge vore at dette var mennene sin krig, i ei særleg mannsdominert verd. Kvinnene vart ikkje nødvendigvis gløymde, men kvinneperspektivet vart gjerne redusert til heiderleg omtale og at dei støtta verksemda og heldt hjula i gang, medan mennene kjempa.

– Kven var desse modige kvinnene som våga å ta på seg illegale oppgåver som kunne kosta både dei og familiane livet? Kva dreiv dei? spør Mohn.

Mohn legg hovudvekta på sju kvinner frå Bergen og omland og kysten sørover.

Mohn har arbeidd som lærar i barneskulen og for flyktningar. Ho har ei familiær tilknyting til ei av kvinnene ho trekkjer fram i føredraget.