Ber om nausthjelp
Fosse-Stiftinga har søkt om stønad til å oppgradera Fosse-naustet.
Stiftinga overtek i vinter eigedomen der Jon Fosse voks opp i Strandebarm. Ein del av han er eit naust ved Fossvågen, som Vigdis Fosse ifylgje søknaden hadde planar om å oppgradera.
Stiftinga har henta inn pris på arbeidet frå Olav Røyrvik. Han skisserer ein kostnad på 368.000 kroner med opprustinga. Med i summern er 168.000 kroner til skifer, men desse hellene vonar stiftinga å skaffa utan kostnad.
Artikkelen held fram under annonsen.
Kvam herad er søkt om 100.000 kroner til tiltaket. Vona er å frå 100.000 kroner i prosjektstønad frå Spareabanken Vest.
Ifylgje søknaden rommar naustet tre trebåtar og fiskeutstyr. Stiftinga vonar å tilby gjester, gjestekunstnarar og andre høvet til å reisa på båttur på fjorden og oppleva landskapet som pregar forfattarskapen til Jon Fosse.
HF gjer merksam på at i versjonen av denne saka som var på trykk i papirutgåva av HF fredag 31. januar, vart det opplyst at naustet til Fosse-familien ligg i naustrekkja i Fossvågen. Det er ikkje rett. Red.
