Avsluttar festivalen med vertshus-stemning

Samspelet mellom musikarane og publikum er karakteristisk for framføringa, ifølge fiolinist og frontfigur Bjarte Eike.Med konseptet The Alehouse Sessions prøver Eike og Barokksolistene å gjenskapa det musikalske og sosiale ein kunne oppleva på vertshusa i England for 300–400 år sidan, med både humor, virtuos teknikk og ei historie som er fletta inn i framføringa.Tilhengarar av jazz, klassisk musikk og folkemusikk vil truleg nyta det festivalarrangørane sjølve omtalar som eit «fyrverkeri av ei avslutning på festivalhelga».Gruppa består av ni musikarar frå Noreg, Sverige og Storbritannia. Fiolin, vokal, gitar, charango, kontrabass, trommer og pumpeorgel er blant instrumenta som skal ta publikum med tilbake i tid med overtyrar, shantyar og skandinaviske folkesongar.The Alehouse Sessions vart nominert til Spellemannprisen i kategorien klassisk i år.Bjarte Eike og Barokksolistene har halde konsertar med improvisasjon og humor i Skandinavia, store delar av Europa og USA.Gruppa er kjend for ei open tilnærming til det musikalske og blanding av sjangrar, ifølge heimesida til Hardingtonar.