Peder Lauvås og Harald Ottesen Nødtvedt i rollene som James og Miss Sophie i sketsjen «Grevinna og hovmeisteren».

Årviss tv-sketsj til Holmatun

Teater Vestland legg ut på vegen og framfører sketsjen Grevinna og hovmeisteren i eit tjuetals grendehus i Vestland i førjulstida.

Håkon Norheim
Journalist
Publisert Sist oppdatert

Det opplyser teateret i ei pressemelding.

På engelsk heiter sketsjen Dinner for one. Han vart skriven på 1920-talet av Lauri Wylie og filma i 1963. NRK viser den sveitsiske versjonen. Han vert sett av meir enn ein million norske tv-sjåarar kvart år.

Skodespelarane på scena er Peder Lauvås og Harald Ottesen Nødtvedt, som tidlegare har turnert med Teater Vestland. Bjørnar Lisether Teigen står for regi og visuelt uttrykk.

Grevinna og hovmeisteren har premiere 11. november og kjem til Holmatun i Øystese 22. november.

tv teater massemedium kultur og underhaldning kultur øystese
Laga med Labrador CMS