Straumprisar. Spørsmål til Kvam herad m.m.

Magne Fykse (ein gamal tullebukk når eg har diskutert klima m.m. med ungdomar og klimaaktivistar)

08.10.21 hadde eg eit innlegg om straumprisar. 12.10.21. svarar Kvam Kraftverk AS på innlegget som vedkjem K.K. Eg er fornøgd me svaret, då særleg med diagrammet. Dette syner at 41 % av straumprisane er avgifter til staten eksklusive nettleige. At nettleiga på 28 % som vert fastsett av N.V.E. synest høg, er ei anna sak, då det er dyrare å drifta nettet i ein kommune med lange avstandar enn i tettbygde strok. I svaret sparkar dei ballen over til Kvam herad når det gjeld spørsmåla om konsesjonskraft m.m., då K.K. per dato ikkje har noko med dette å gjera.

Eg vil be om at Kvam herad v/ rådmann (er det skifta namn?)/økonomisjef kan gje ei utgreiing om kor mange GWh heradet mottek i heimfall konsesjonskraft, og korleis dette vert fordelt over året og kva til pris per kWh. Dersom det er ein ekstern meklar som disponerer og sel denne krafta, er spørsmålet kva meklaren tek i påslag per kWh og om det er revisjon/vurdering av dette salet.