PÅ FRIHAND

Minneord om Kari Toft Lid

Tidlegare losjesøstrer v/Ingrid Bjørke Nisamjan

Me som var så heldige å bli kjende med Kari og fekk vera med henne i damelosjen, vil gjerne få seia nokre ord.

Ho var ei solstråle som spreidde glede og gav energi til oss alle.

Kari var så lett å vera med, for ho var slikt eit positivt menneske. Ho var alltid opptatt av andre og såg oss alle. Alltid eit positivt ord og kor kjekt det var å koma saman.

Ho møtte ein med: «Kor kjekt det er å sjå deg!»

Etter at ho vart åleine, brukte ho musikken som terapi. Den gav henne stor glede. Ho las om komponistar og nytte musikken.

Kari var svært kunnskapsrik, klok og kunne føra samtalar om mangt og mykje.

Då ho selde eigedomen i Vikøy og flytta til Hardanger Brygge, og sidan til Tolo Omsorg, sa ho: «Eg har bestemt meg for at eg skal trivast uansett kor eg bur!»

Dette gjorde det ikkje berre lettare for henne, men også for dei rundt, då ho hadde slikt eit positivt syn på livet.

Me har lært mykje av Kari og er takknemlege for at me fekk læra henne å kjenna.

Me lyser fred over Kari sitt minne!

Laga med Labrador CMS