Lukka oppdrettsanlegg og energibruk

Oddvar Soldal, Øystese

Røyndomen er sett saman av mange detaljar. For tida prøver eg å engasjera meg i oppdrettsdiskusjonen i lokalavisa. I HF 17. august skreiv tilsette i Bremnes Seashore om lukka anlegg og berekraft, utan å definera kva oppdrettsnæringa legg i «berekraft». Dei skriv også at lukka anlegg krev 7–8 gonger meir energi enn opne merdar, utan å nemna kvar dei har dei opplysingane frå. I eit intervju i avisa 9. juli fortel Kristian Botnen i Lingalaks at energiforbruket pr. kilo fisk truleg vil verta sju gonger høgare i det lukka «Stadionlaks-prosjektet» enn i vanlege opne merdar. I lukka anlegg på land vil energiforbruket verta fleire hundre, kanskje tusen gonger høgare, hevdar Botnen.

Slike påstandar er både vanskelege å ta stilling til og å lita på.

Når det gjeld energiforsyning til anlegg i sjø, skulle det ikkje undra meg om det er anlegg for solcelleenergi som er løysinga for framtida.