Kraft og nett for å sikra grøn vekstkraft

Resolusjon frå: Masfjorden Høgre, Ullensvang Høgre, Kvinnherad Høgre, Samnanger Høgre, Aurland Høgre, Luster Høgre, Vik Høgre, Fitjar Høgre, Austevoll Høgre, Eidfjord Høgre, Ulvik Høgre, Høyanger Høgre

Noreg treng eit kraftløft, med auka produksjon av fornybar kraft og nettløysingar som sikrar kraft til det grøne skiftet med elektrifisering og nye industriinvesteringar.

Vestland er det fremste kraftfylket i Norge, og kan spele ei endå sterkare rolle om ein får rammevilkår som stimulerer til nødvendige investeringar. Vertskommunane som ofrar naturareal for kraftproduksjonen, må då få føreseieleg kompensasjon for tilrettelegginga dei bidreg med.

Etterspurnaden etter kraft og nett er særleg stor i Vestland. Det betyr sterk vilje til å investere i næringsutvikling, jobbskaping og klimavennleg omstilling. Å leggja til rette for at bedriftene lukkast med sine planar, er avgjerande for at Vestland og Norge kan nå sine vekst- og klimamål. Det inneber også å sikre transportkorridorar frå produksjonsstadane til forbruksstadane.

Vestland Høgre meiner fylgjande rammevilkår må ivaretakast for å auke produksjonen av fornybar kraft:

• Klarare politiske mål om meir kraft og nett, og enklare og raskare prosessar for saksbehandling av planinitiativ og konsesjonssøknader.

• Aktuelle prosjekt må bli utgreidde for å sikre forsvarleg avgjerdsgrunnlag i kommune, fylkeskommune og statleg organ.

• Ein må opne opp for kraftproduksjon i verna vassdrag på ein måte som ikkje går ut over verneinteressene.

• Prosjekt som reduserer eller fjernar flaumfare, må realiserast raskt.

• Ein må tilpasse innslagsnivået for kraftskattlegginga slik at det både er lønsamt å investere i auka produksjon eller effektutbygging, og vertskommunen ikkje får nedtrekk i si skattbare nettoinntekt frå den auka kraftproduksjonen eller effektauke.

• Konsesjonskraftregimet som er lovfesta i konsesjonslova, vert oppretthalde slik det har vore fram til 2025.

• Inntektsutjamninga mellom kommunane skal ikkje påverke utbytte for eigarkommunane og konsesjonskraftinntektene for vertskommunane.

• Arealplanlegging for fornybar kraft får prioritet i det offentlege forvaltningsregimet.

• Fastsetje felles nasjonal OED kostpris slik at også eldre konsesjonar får same vilkår.