Klubbmeisterskapet på rulleskøyter i Vikøy

Hardanger Skøyteklubb v/Brynjulf Måkestad

Det vart arrangert klubbmeisterskap på rulleskøyter i Vikøy torsdag kveld.

Vêret var fint, med varierande vind og klubben serverte bollar, brus og kaffi.

Dei yngste rekruttane gjekk 2 gonger 250 meter, og dei eldste klassane gjekk 250 meter og 500 meter.

Gurine Vangdal, Per Vangdal, Amanuel Asefaw og Baard Johannes Pfeil Vikøy gjennomførte distansane med fine resultat i fin stil.

Gutar 11 år: Aleksander Bredesen 36.37. Jenter 11 år: Oline Gjerdevik 38,85. Junior C: Vimalin Sørstrømmen 33,81. Selma Agatha Pfeil Vikøy 36,75. Gutar junior C: Sigurd Vangdal 42,05. Jenter junior B: Eirin Laupsa 35,50.

I veteran gjekk Eric Clement på 31,69 på 250 meter og 63,65 på 500 meter.

I eldste klassen gjekk underteikna på 30,53 på 250 meter og 58,75 på 500 meter.

Det var fleire av medlemane som det ikkje passar for denne gongen. Vi satsar på større deltaking neste gong vi arrangerer rulleskøytekonkurranse til våren.