Ei lita veke på isen

Brynjulf Måkestad, leiar i Hardanger Skøyteklubb

Hardanger Skøyteklubb hadde ei fin istrening på rulleskøytebanen sundag kveld med 12 aktive + foreldre. Bildet viser dei frammøtte. Banen blei frest ferdig onsdag av Alf Henning Sørstrømmen og underteikna. Bjørn Johansen vatna banen onsdag kveld og har hatt is frå onsdag kveld til måndag, før mildvêret var tilbake.

Det var stor aktivitet i helga, og vi hadde trening torsdag, fredag, laurdag og sundag.

Desse deltok på treningane: Oline Gjerdevik, Aleksander Bredesen, Amanuel Asefaw, Per Vangdal, Sigurd Vangdal, Gurine Vangdal, Selma Agatha Pfeil Vikøy, Baard Johannes Pfeil Vikøy, Eric Clement, Vimalin Sørstrømmen, Lars Gunnar Lundblad, Brynjulf Måkestad og Anita Cesilie Larsen.

Det var fyrste istrening denne sesongen i Vikøy, på grunn av ein mild vinter.

Klubben har hatt fast reise med 2 til 3 bilar til Slåtthaug til Bergen på torsdagar.

Hardanger Skøyteklubb arrangerte Hardangersprinten på Slåtthaug 5. desember med 63 deltakarar frå Fana IL, Hardanger Skøyteklubb, Bergen Skøyteklubb og Stord IL.

Vi hadde fem deltakarar med: Aleksander Bredesen 11 år, Oline Gjerdevik 12 år, Vimalin Sørstrømmen 13 år, Selma Agatha Vikøy 13 år og Baard Johannes Vikøy 10 år.

Det blei fleire personlege rekordar på ungane.

Bard Johannes Pfeil Vikøy, 10 år, 18,48. ny pers.

Aleksander Bredesen, 11 år, debuterte på 100 meter med ei fin tid på 16,62

Oline Gjerdevik, 12 år, 100 meter, 17,75 og 500 meter 89,38.

Selma Agatha Pfeil Vikøy, 13 år, 100 meter 16,13 og 500 meter 72,24, persar.

Vimalin Sørstrømmen, 13 år, 100 meter 15,37 og 500 meter 67,76. persar.

Anita Cesilie Larsen, 14 år, vart sjuk og starta ikkje.

Håpet er at kulden kjem tilbake og at vi kan arrangera kvammameisterskap på skøyter i løpet av vinteren.