Syklar utan sete over store hinder
Noah (10) og Liam (9) Kongestøl Mongstad frå Vikøy er glade i å sykla, og driv med «biketrial». Fort går det ikkje.
Direkte omsett frå engelsk tyder «bike trial» sykkelprøve. Det forklarar ein heil del. Trial er nemleg ein sport der ein skal koma seg gjennom løyper – eller seksjonar, som det heiter – med ulike hinder ved hjelp av ein sykkel og god balanse.
Ein skikkeleg prøve!
Før trening må gutane alltid varma opp ledd og musklar. Det gjer det lettare for dei å bevega seg og gjera triks. Utanom treningane øver gutane ein del heime. Men dei øver sjeldan saman.
Både Liam og Noah er ekstra gode til å hoppa på bakhjulet.
Noah likar at trial er krevjande. Han synest det kan vera krevjande å gjera triks, til dømes. Då er det viktig med konsentrasjon, fortel han.
– Og uthald!
– Kva ynskjer du å læra deg?
– Å bruka bremsane med éin finger, seier Noah.
I haust var Liam og Noah med på trial-NM og noregscup i Norheimsund. Sjå bilete frå konkurransen her:
Liam fortel at i trial brukar ein hjelm, leggbeskyttarar og sykkelhanskar. Leggbeskyttarane er gode å ha om ein slår trøene inn i leggen. Sykkelhanskane gjev betre grep.
– Gjekk det bra plutseleg ikkje å ha sete?
– Eg sette meg rett på stonga sikkert fem gongar før eg slutta. No sit eg ikkje på vanleg sykkel heller, seier Liam.
Han anbefaler andre å byrja på trial.
I tillegg til trial spelar Liam fotball. Noah driv med e-sport.
