Aspirantkorpset stilte seg i midtgangen og medverka til «Bjelleklang», med Anne-Beth Hansen som dirigent. Frå venstre: Sigrid Oline, Emmeline, Amalie, Eli, Marthea, Nora og Isa.

Ein dose jul og ein dose sjarm

Mange fann vegen til Norheimsund kyrkje då lokale korps og Kor i alle dagar serverte juletonar i stor mon sundag kveld.

Sigbjørn Linga
Bladstyrar
Publisert Sist oppdatert

Kyrkja var ikkje så langt frå fullsett då musikarar i nær sagt alle aldrar gjorde sitt beste for å setja dei frammøtte i julestemning.

Både aspirantane, juniorkorpset og hovudkorpset i skulemusikklaget og dei røynde i musikklaget var i elden undervegs i den halvannan time lange konserten. I tillegg song Kor i alle dagar fire songar.

Kor i alle dagar i sving med «I en natt».

Song gjorde også Oline og Jenny Gjerdevik frå Øystese, som var hanka inn frå kulturskulen. Systerduoen fekk stor applaus og mykje vellæte for bidraga til nummera «Home for Christmas» og «Have Yourself a Merry Little Christmas».

Undervegs fekk alle lov til å syngja ut sjølvskryt av at dei har vaska golvet. Og då det heile vart avrunda med allsong av «Deilig er jorden», kunne jula for så vidt berre innfinna seg fyrst som sist.

Konferansier var Ingegjerd Pedersen Lid, mangeårig korpsmedlem som no ser barneborna koma etter.
Dei syngjande damene i Kor i alle dagar, som har base i Ålvik.
Turid Wollestad og medkoristane framførte fire songar.
Inger Johanne Furu leia koret.
Olav Skeie Lid overtok dirigentrolla då Viljar Bjørsvik Rath bidrog som solist på kornett.
Elisabeth Fosse starta i Kvammakorpset og er ikkje gamal i korpssamanheng, men spelar allereie slagverk i musikklaget. Nærast sit Edmund Tolo, og lenger bak ser me Ragnar Hansen.
Solveig Hansen på euphonium.
Anne-Beth Hansen i kornettrekkja til venstre.
Olav Skeie Lid og Irene Grendal Børven spela trombone.
Oline (t.v.) og Jenny Gjerdevik song til tonar frå musikklaget, og vart oppmoda av konferansieren om aldri å gje seg med hobbyen.
Oline (t.v.) og Jenny Gjerdevik fekk stor applaus, også frå dirigent Viljar Bjørsvik Rath og musikarane som gav dei tonetylgje.
Mange møtte fram i kyrkja.

HF gjer merksam på at dottera til den utskremde frå HF spelar i juniorkorpset. Red.

kultur og underhaldning biletseriar kultur musikk biletseriar
Laga med Labrador CMS