Den nye julegata opna i Øystese

Temmeleg nøyaktig klokka 17 vart dei nye lysa tende. Dei røpte at ein del hadde følgt oppmodinga om å ta seg ein rusletur i sentrum med høveleg koronafråstand på ettermiddagen. Kaos var det på ingen måte snakk om, all den tid torefjellsnissane av naturlege årsaker glimra med sitt fråvære dette året.

Vêret – nokre raude grader og lett regn – serverte kanskje ikkje den store julestemninga, men Kabuso bayd i det minste på gløgg og julebrød til dei frammøtte. Etter ei lita stund ved bålpanna utanfor kunsthuset trekte ein del av gjestene inn til sosialt samvær i anten Kabuso eller Kafé Krus.