Hovudfeltet på veg forbi Straumen.

Biletserie: Tour of Norway susa gjennom Kvam

Dei stod lenge og venta. Til gjengjeld var det dei venta på, fort overstått.

Sigbjørn Linga
Bladstyrar
Journalist
Mari Ulvund
Journalist
Publisert Sist oppdatert

Fylkesvegen vart stengd ei stund då sykkelrittet Tour of Norway passerte gjennom Kvam tysdag ettermiddag. Lenge før dei fyrste syklistane dukka opp, stilte folk seg opp langs vegane med flagg for å ta heia sprekingane fram på vegen til Voss.

Det gjekk fint og pynteleg føre seg då hovudfeltet passerte Tunet i Øystese.
Ola Haugsland Ur gjorde som bladfyken og dokumenterte hendinga i Øystese.
Utbrytargruppa passerte Øystese sentrum nokre minutt før hovudfeltet.
Katrine Langelang (t.v.), Sandra Langeland, Agnes Fosse Øyri og Fredrik Fosse Øyri var tidleg ute for å sjå på syklistane. Dei synte bladfyken at både hurrarop og vifting med flagg var under kontroll.
Emilis Striuoga (t.v.) og Tor Jervell er to av fleire ungdomar som passa på langs vegen i Øystese.
Linn Haugsland Ur (t.v.) og borna Hanna og Ola var alle klare for å ta imot syklistane i Øystese.
Denne gjengen var klar for å heia i Norheimsund. Frå venstre: Sebastian Melcher, Oliver Flagtvedt, Mathias Trones Bruvik, Sander Høgenæs Laupsa og Tomas Græsdal Pedersen.
Gutar som er klare for å heia på syklistane – eller kanskje på Bygdapride – i Norheimsund.
Før syklistane dukka opp, passerte ei rekkje av dette slaget.
Også born frå Norheimsund barnehage tok turen for å sjå på tohjulingane.
Litt trafikkaos høyrer med når det er sykkelritt. Her frå Nedre Norheim.
Enkelte fekk plass også under gangbrua.
På gangbrua samla ein del seg for å fylgja rittet.
Maria Øygard tok seg av trafikken i avkøysla til Norheimsvegen.
Bussjåfør Morten Grendal måtte tola å venta ei stund i Straumen-krysset.
Omsider kom dei fyrste sykkelryttarane. Passeringa var snøgt overstått.
Viljar Berge Eide var på plass som publikum, som seg hør og bør på sykkel.
Hovudfeltet på veg forbi Straumen.
Etter den fyrste, vesle gruppa kom hovudfeltet.
Hovudfeltet passerer.

Etter at ei lang rekkje med fylgjebilar og -motorsyklar hadde passert, dukka omsider den vesle tetgruppa på seks ryttarar opp. Eit stykke bak fylgde hovudfeltet. Og vips – så var sykkelfesten over og publikumsflokken som samla seg i Norheimsund og Øystese sentrum, løyste seg opp.

Seinare, fire kilometer før målstreken på Voss, vart tetgruppa teken att av Quick-Step og Uno-X. Det heile enda med ein sluttspurt.

Ifylgje ei pressemelding frå Tour of Norway vann Remco Evenepoel frå Quick-Step Alpha Vinyl opningsetappen. Nest best var nordmann Tobias Johannessen.

biletseriar sport sport biletseriar sykling
Laga med Labrador CMS