MS «Rover» sokk ved kai på Tolo 17. januar. Og der låg han godt og lenge.

2024 i bilete: Januar

Ein viss båt på Tolo fekk ein del merksemd i årets fyrste månad.

Sigbjørn Linga
Bladstyrar
Publisert

17. januar, etter at båten vart tyngd av kraftig snøfall, gjekk det gale. MS «Rover» sokk ved kaien ved Hardanger Byggsenter og Yamaha Hardanger.

Det vart starten på ein føljetong av artiklar i HF og brev mellom dei involverte partane. Åtte månader skulle det gå før båten vart fjerna.

Den mest dramatiske hendinga i starten av året var likevel ikkje forliset. 29. januar vart Sverre Folkedal ståande innesperra mellom to skredløp ved Kjepso då han var på veg til jobb.

Sjå fleire januarmine i HF-arkivet her:

Frå vinterfesten til 10. klasse ved Kvam ungdomsskule.
Frå finalen i Lapua Cup i skyting i Vangdalsåsen. Jonas Bjørke skyt.
Silje Vik (t.v.) og Ingunn Bjørke deltok i debatten til Sjur Vågen og Kvam Mållag om bruk av nynorsk i næringslivet.
Statsråd Lubna Jaffery vitja årsmøtet til Kvam Ap, og fekk epledrykk i premie. Her med ordførar Torgeir Næss (t.v.), Dag Rune Mo og Arnhild Litleré.
MS «Rover» vart fotografert av HF 16. januar, i samband med at fleire ottast at båten kunne søkka. Dagen etter var havariet eit faktum.
Frå skredet aust for Ålvik 29. januar. Den eine steinen i vegen måtte sprengjast.
Kvams fyrste sushirestaurant opna i Norheimsund.
Arbeidet med å utbetra Heradstveit-krysset var i gang.
biletseriar nyhende biletseriar
Laga med Labrador CMS