Vindkast gjorde at flagga vaia litt meir enn vanleg på 1. mai-markeringa i Ålvik. Fremst i toget gjekk Anders Kvarmestøl Aalvik.

1. mai var i vinden i Ålvik

Tradisjonen tru møtte folk frå Ålvik opp i hopetal for å markera 1. mai.

Bård Valvatne
Journalist
Publisert Sist oppdatert

Programmet følgde same mal som tidlegare feiringar, med mellom anna flaggheising, gudsteneste, aktivitetar for dei minste, tog og tale.

– Arrangementet er heilt tradisjonelt på alle måtar. Eg er glad i tradisjonar. Det betyr nok at eg byrjar verta gamal, seier Sverre Linga, leiar i Aalvik Arbeiderforening.

Tradisjonane såg ut til å fengja resten av industribygda. Oppmøte var det ingenting å seia på. Då årets 1. mai-talar, stortingsrepresentant Sofie Marhaug (R), gjekk på podiet, var salen i Folkets Hus stappfull.

Årets 1. mai var bokstaveleg tala i vinden. Kraftige vindkast gjorde ifølgje Linga at dei yngste måtte klara seg utan hoppeslott.

– Det bles så mykje at me valde ikkje å setja det opp, fortel han.

Sjå fleire bilete frå feiringa her:

Frida Rykkje Prestegård (t.v.) og Helena Botnen Lilletveit køyrer små elbilar.
Synne Linga får andletsmåling.
Cathrine Østborg får andletsmåling.
Cathrine Østborg syner fram den ferdige målinga.
Ålvik Musikklag stod som vanleg for musikken i 1. mai-toget. Laget var forsterka med musikantar frå Øystese Musikklag.
Det var både nasjonale og internasjonale parolar i toget.
Ein liten kortesje med russebilar køyrde sist i 1. mai-toget.
Ålvik Musikklag og Kor i alle dagar stod for underhaldninga før 1. mai-talen. Musikklaget var forsterka med musikantar frå Øystese Musikklag.
Sverre Linga, leiar i Aalvik Arbeiderforening, heldt eit lite innlegg før 1. mai-talen.
Stortingsrepresentant Sofie Marhaug (R) sa før ho kom til Ålvik at ho skulle snakka om kraft, krig og klasseskilje. Den lovnaden heldt ho.
I 1. mai-talen sa stortingsrepresentant Sofie Marhaug (R) mellom anna at det må bli slutt på privatiseringa av kraftindustrien. Elles kan det bli vanskeleg å halda liv i mange av dei små industribygdene i Noreg.
Stortingsrepresentant Sofie Marhaug (R) sa i talen at ho vart åtvara om at det kunne vera lite folk i salen. Ho trong ikkje uroa seg.
politikk fritid biletseriar nyhende ålvik biletseriar høgtider
Laga med Labrador CMS